Галерирја Остен
ОСТЕН АРТ – Установа од културата за музејско-галериска дејност, Скопје, С. Македонија – има почит кон минатото, активна е во сегашноста и има планови за иднината. Препознатлив бренд во областа на уметноста, еманципираната мисла и слободеното творештво од 1945 година, со своето искуство и влијание врз подобрувањето на културата и уметноста, ОСТЕН е одлична основа за проекти кои ги привлекуваат уметниците ширум светот, ја едуцираат пошироката публика и ги анимираат професионалците во уметноста (куратори, теоретичари, критичари и историчари на уметноста) - сите оние кои обезбедуваат увид и произведуваат материјали што го документираат развојот и движењата на уметноста во наше време.
Големи обожаватели на уметноста и страствени во колекционирањето на уметнички дела, луѓето кои го водат ОСТЕН посветуваат значително внимание на новите трендови и на новите уметници. Програмата на ОСТЕН вклучува Светска галерија на карикатури, ОСТЕН Биенале, ОСТЕН Биенале на наградени автори, ОСТЕН АРТ фестивал, како и изложби и резиденцијални активности на уметници.
Познатиот годишен настан - Светска галерија на карикатури (основана во 1969 година и најстар настан од ваков вид во светот со континуирана активност) секоја година привлекува над 500 меѓународни карикатуристи, додека на ОСТЕН Биеналето (отворен повик за уметници) стигнуваат над 2000 дела од околу 700 уметници од над 70 земји. ОСТЕН Биеналето на наградени уметници поканува реномирани уметници (наградени на Биеналето на цртеж) на Програмата за престој на уметници во Скопје, Охрид, Гевгелија...
Наградените уметници со ГРАН ПРИ за животно остварување на ОСТЕН Биеналето се меѓу најреномираните уметници на нашето време: Џозеф КОШУТ (2022), Илја и Емилија КАБАКОВ (2020), Пјер СУЛАЖ (2018), Тони КРЕГ (2016), Марина АБРАМОВИЌ (2014), КРИСТО (2012), Владимир ВЕЛИЧКОВИЌ (2010),… Наградата за светско културно наследство вклучува творештва на уметници кои имаат значително влијание врз светската историја на уметност како: Пабло ПИКАСО, Виктор ВАЗАРЕЛИ, Салвадор ДАЛИ, Жоан МИРО, Хенри МУР, Оскар КОКОШКА, РЕМБРАНТ...
Најголемото достигнување на ОСТЕН е ОСТЕН МУЗЕЈОТ – кој има значителна колекција од повеќе од 13000 уметнички дела, од околу 3000 уметници од над 80 земји (слики, цртежи, графики, скулптури, предмети, како и керамики), вклучувајќи ги Пикасо, Вазарели, Дали , Миро, Мур, Сулаж, Крег, Абрамовиќ, Кристо, Величковиќ, Циуха, Шагал, Фукс, Андерле, Борн, Рембрант, Де Кунинг, Делакроа, Пизаро, Тулуз-Лотрек, Алешински, Брак, Матис, Хартунг, Дикс, Ернст, Колвиц, Пенк, Рембрант, Такис, Кунелис, Бејкон, Хокни, Хамилтон, Калдер, Индијана, Ворхол, Лихтенштајн, ... дела на речиси сите значајни македонски уметници меѓу кои: Пандилов, Мартиноски, Аврамовски-Гуте, Чемерски, Хаџи-Бошков. , Хаџи-Василева, Јанкуловски, Кондовски, Калчевски, Коџоман, Куновски, Лазески, Личеноски, Манев, Мазев, Митрикевски, Наумовски, Ташковски, Темкова, В. Василев, Н. Василев, Шемов, ...... како и околу 50.000 карикатури и сатирични цртежи од најголемите карикатуристи во светот.
Сите активности на ОСТЕН се внимателно документирани во публикации. Покрај каталозите на биеналето на цртеж ОСТЕН, најновите публикации се: „Германски уметници од колекцијата ОСТЕН“– заеднички проект со Гете институтот Скопје, „Британски уметници“ од колекцијата ОСТЕН во соработка со Британскиот совет, публикација „Француски уметници од колекцијата ОСТЕН“ во соработка со Францускиот институт во Скопје и Амбасадата на Франција во Македонија (проект во тек) ...
Посебен проект е уникатната библиотека на портфолија за печатење „Светско културно наследство“ со повеќе од 350 авторизирани графички мапи од најважните уметници на нашето време. Планираните идни активности вклучуваат понатамошни проекти кои треба да се развијат со сигурни партнери. Галеријата ОСТЕН е галериски простор сместен во строгиот центар на Град Скопје и е местото каде што се одвиваат сите активности на главните настани на ОСТЕН – ОСТЕН Биенале и ОСТЕН АРТ Фестивал, како и Светската галерија на карикатури (основана 1969 г.).
Според тоа, на само еден чекор од централниот плоштад „Македонија“ во Скопје има разновидна програма од современи меѓународни уметници и карикатуристи. Тоа е место каде што ненаметливо, но природно, може да се видат делата на Пикасо, Вазарели, Миро, Дали, Сулаж, Абрамовиќ, Кабаков, Кошут... И речиси сите македонски уметници – како оние најважни во историјата на македонската уметност, така и уметниците во подем. Програмата на актуелните изложби следете ја нашата веб-страница и ФБ-страницата. Галерија ОСТЕН | Максим Горки 16а | Работно време: пон.-пет. 10ч.-17ч. / саб. 10ч.-14ч.